ARC Inc. - North West is a dynamic auditing firm in Rustenburg that provides auditing, accounting/bookkeeping, tax and related consulting services.
By ons is jy nie net nog ‘n naam op ons kliëntelys nie – jy is een van ons.
Ons lewer professionele diens van hoogstaande gehalte, maar altyd teen die agtergrond van persoonlike verhoudings. Jy sal te alle tye weet watter personeellid daarvoor verantwoordelik is om jou te diens, maar sal enige tyd direkte toegang hê tot die vennote in die firma.
Ons wil hê jy moet voel jy kry ‘n beter diens as waarvoor jy betaal.
Om bekend te word as dié oudit-, rekeningkundige en belastingpraktyk in Rustenburg waar kliënte die heel beste diens kry.
Wat kan ons vir jou doen
• REKENINGKUNDIGE DIENSTE / ACCOUNTING SERVICES
Dit is ons passie om nie net 'boekhouding' vir ons kliënte te doen nie, maar eerder rekeningkunde. En ons kan dit akkuraat, betroubaar en effektief vir u gerief op u eie perseel doen; sodoende weet u te alle tye presies wat in u boekhouding aangaan.
Vra ons groot asseblief uit oor die verskil tussen boekhouding en rekeningkunde, ons verkondig dit graag!
• BELASTING / TAX
Onthou, dis nie hoeveel u verdien nie, maar hoeveel u huis toe neem wat belangrik is! Met goeie belastingbeplanning kan u dalk daai neseier vinniger opbou.
• SALARISSE / SALARIES
Moeg van werknemers wat elke maand oor hul salarisstrokies kla? Laat ons die berekenings en oorbetalings vir u doen!
• OUDITS / AUDITS
Voeg waarde by tot die geloofwaardigheid van u finansiële state met ‘n jaarlikse oudit. Eksterne gebruikers van u finansiële state – banke, krediteure, SARS en voornemende beleggers – sal veel meer waarde heg aan geouditeerde finansiële state.
• BOEDELBEPLANNING / ESTATE PLANNING
Gaan u geliefdes met u belasting en skuld opgeskeep sit wanneer u tot sterwe kom? Is u testament in orde? Gaan die eksekuteur van u boedel met die geld wegloop wat na u kinders toe moet gaan? Het u ‘n testamentêre trust?
• GROEPSTRUKTURERING / GROUP STRUCTURING
Ons kan u help om u groep van maatskappye, trusts en individue optimaal te struktureer vir die beste belasting- en batebeskermingsvoordele.
• REGISTRASIES / REGISTRATIONS
Ons is gerat om die rompslomp van die registrasieprosesse namens u te hanteer, hetsy dit die registrasie van maatskappye, belastings, Vergoedingskommissaris, WVF, SEB of die oprigting van trusts is.
• WAARDASIES / VALUATIONS
Is u maatskappy regtig soveel werd as wat u dink? Of wil u ‘n maatskappy koop en u is nie seker wat ‘n billike koopsom is nie?
• VERVAARDIGING / MANUFACTURING
Weet u hoeveel dit regtig kos om u produkte te vervaardig? Is u prosesse effektief genoeg? Word u voorraad optimaal bestuur? Watter mengsel van verkoopte produkte dra die meeste by tot u wins?
• RISIKOANALISE EN –BESTUUR / RISK ANALYSIS AND RISK MANAGEMENT
Potensiële besigheidsrisiko’s skuil in elke afdeling van u besigheid. Is u versekering byvoorbeeld in plek om u vennoot se aandeel uit te koop sou hy of sy tot sterwe kom? Ons kan u help om sodanige risiko’s te identifiseer en voorsorgmaatreëls in plek stel.
• ONTLEDING VAN FINANSIëLE PRESTASIE / ANALYSIS OF FINANCIAL PERFORMANCE
U finansiële state is net soveel werd as die inligting wat u daaruit gebruik.
• SAKEPLANNE / BUSINESS PLANS
Het u ‘n visie en ‘n missie? Weet u waarheen u en u besigheid op pad is? As u ‘n sakeplan benodig vir ‘n saketransaksie of finansieringsaansoek, kan ons u help om u sakeplan spesifiek volgens die behoeftes van die transaksie of aansoek op te stel.
• BEGROTINGS / BUDGETS
Sonder ‘n begroting jag u in die donker met ‘n geweer sonder patrone. Meet u gereeld u werklike prestasie teen u begrote inkomste-, balans- en kontantvloeistaat? As u nie weet waar die besigheid vandaan kom nie, kan u nie verhoed dat besigheid in ‘n wentelbaan beland wat dieselfde foute oor en oor maak nie.